Ala măt Kwang đơng lam bồ Đảng, Dà lơgar mờ Anih duh broă Lơh kơnòl broă sùm Quôk hội, Củ tịc Quôk hội ồng Trần Thanh Mẫn tơlik nùs nhơm kah rơngal mờ ală cau ling yau, ală cau geh màng mờ dà lơgar mờ đơs sùm, Mpồl ling dimơ 271, Ling tiah Trị Thiên pơgồp bơnah lơh klŏ tai pang sră cih jơnau kah yau pơnrơ ngan, khin cha jak chài bơh mpồl ling klàng he dê, jơi bơtiàn he dê, dà lơgar he dê.

Tàm tơngai lài, Củ tịc Quôk hội ồng Trần Thanh Mẫn kơ̆p kờñ, cau ling yau, ală cau geh màng mờ dà lơgar Mpồl ling dimơ 271 Ling tiah Trị Thiên pơn jăt tai đòm jăt bơhiàn tàm broă lơh tam dră, dong klàs jơi bơtiàn tàm broă lơh bơ̆t bơtàu dà lơgar ngai do; mơkung bơto bơhiàn Bi cau ling Wa Hồ mờ nùs nhơm niam bơnĕ ngan rlau jơh “Dòn song mờ Đảng, dòn song mờ Dà lơgar, gĭt jơnau mờ làng bol”, bơto ai rơnàng cau kơnòm să in bè bơta khin cha, ờ ngòt kal ke, đòm jăt bơhiàn bơh Mpồl ling dimơ 271 Ling tiah Trị Thiên dê đơs is mờ cau ling Wa Hồ dê đơs bal.