Đơs tàm dơ̆ tơn jơh, Củ tịc Quôk hội ồng Trần Thanh Mẫn pà gĭt, tàm tơngai tus, geh uă broă lơh kwơ màng, bè: Dơ̆ tĕ khà dờng pồ Quôk hội Việt Nam; Pơrjum dờng tàm pơrlòng kờñ gơboh dà lơgar mờ pồ Cau ala mat Quôk hội khŏa 16 mờ Cau ala mat Mpồl duh broă Làng bol ală kấp tơngai lơh broă bơh nam 2026-2031.

Củ tịc Quôk hội ồng Trần Thanh Mẫn kơ̆p kờñ: bulah ơm tàm khat gơnoar broă lơi den ală cau ala mat kung pơn jat tai tă pơgồp ai Quôk hội in, ai Mpồl duh broă Làng bol ală kấp in, nàng Quôk hội in sùm dờng pràn rlau tai, lơh jat niam di kơnòl, gơnoar broă crơng gơs sơnoa boh lam, lơh adat boh lam, jat sền dờng ngan rlau jơh mờ lơh nền ală broă kwơ màng bơh Dà lơgar dê. Củ tịc Quôk hội pin dờn, tàm tơngai lơh broă Quôk hội khoă 16, khà ùr Cau ala măt Quôk hội lơh geh geh bè jơnau kờñ geh ai.