Dăk Lăk ai gơnoar bơcri priă rơndăp broă lơh đèng càl mờr 1 rbô 500 tơmàn đong
Thứ sáu, 10:19, 28/08/2026
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho- Anih duh broă Làng bol càr Dăk Lăk neh ai lơh jăt jơnau lơh nền ai gơnoar Kông ty Pơgồp bal priă Bơtàu tơngguh Năng lượng lơh geh wơl Nam Việt Phú Yên lam lơh rơndăp broă lơh Hìu măy đèng càl pràn 48 MW, kờp jơh priă bơcri lơh mờr 1 rbô 460 tơmàn đong.
Rơndăp broă lơh bơ̆t bơtàu tàm sàh Phú Hoà 2, tàm bă ù ơnàng rlau 8 lồ. Tơngai bơ̆t bơtàu mờ ai broă bơ̆t bơtàu mŭt lơh broă digơlan tàm 12 nhai kờp bơh tŭ geh jàu ù. Tŭ mŭt lơh broă, hìu măy digơlan lơh gơlik pơgăp 150 tơlak kWh đèng pah nam.
Anih duh broă Làng bol càr Dăk Lăk sồr cau bơcri priă tơrgùm bơta pràn, lơh di tơngai pơrgon, lơh jăt ală jơnau sồr pal jăt bè ù tiah, brê, tiah ơm kis; mơkung gàr niam rài kis mpồl bơtiàn, lơngăp lơngai rơndăp tăp sèng tàm kơnhoàl ù tiah lam lơh rơndăp broă lơh. Broă gơhòi gơ jà bơcri priă ală rơndăp broă lơh năng lượng lơh geh wơl, tàm hơ̆ geh đèng càl, geh kơ̆p gơn pơgồp bơnah chồl pràn gơguh tai tơlir mờ bơtàu tơngguh kơ̆ kơl jăp tàm Dăk Lăk.
Viết bình luận