Tàm pơrjum, Mpồl Lơh kơnòl broă sùm Tỉñ ủy càr Dăk Lăk bơsram lơh jat ală sră nggal kwơ màng bơh Ƀộ Cíñ trị, Ƀan Ƀí thư mờ Tỉñ ủy càr dê, tơrgùm tàm broă lơh bơt bơtàu Đảng; kơnòl broă, broă lơh lơh geh bơnàng jă ai gơguh kơnhăp kơ̆ tàm khà 2 nơm sồ tàm tơngai tus; ală bơta, cồng nha lơh broă bơh ală anih lơh broă cíñ trị mờ gơnoar atbồ ƀòn lơgar 2 kấp dê; ală broă lơh tam gơl pràn tàm săc wơ wah lơh broă, rơndăp broă, ngui mờ dong kờl kwang bàng; sơlơ tơnguh tai bơta đơng lam bơh Đảng dê gơwèt mờ broă lơh rcang lài kơryan, bơsong jơnau gơlời wơl; lơh jat kơnòl broă mblàng lơh loh tàm broă lơh kơnòl broă dà lơgar.

Đơs sồr lơh tàm pơrjum, mò Cao Thị Hòa An, Phó Ƀí thư duh broă sùm Tỉñ ủy càr sồr ală kấp ủy ờ gŏ di sền broă bơsram lơh jat ală sră nggal là broă lơh gời lơm, ờ gŏ di jàu jơh ai mpồl lơh broă tă pơgồp jơnau đơs in; sền gĭt do là broă lơh sơn rờp geh gơtha kwơ màng nàng ring bal bơta gĭt wă, ring bal lơh broă tàm jơh ală anih lơh broă cíñ trị dê.