Tàm pơrjum, ala măt ală sở, gah broă geh gơrềng neh yal bàr pe cồng nha pơnrơ ngan bè broă ơruh pơnu; yal tơnggĭt bơta ƀươn, bơta kal ke, bơta lòng mờ pơlam gùng bàr pe tơnggume tàm bơtàu tơngguh bơto broă lơh nàng kờñ bơto mpồl cau lơh broă drơng broă tơn ai lơh sa, kă bro mờ drơng broă ala in lơh geh ală jơnau sồr, gơdờp mờ tiah lơh broă tàm tŭ tơngai mŭt gơrờm bal lơh sa mờ ală lơgar mờ tam gơl sồ.

Đơs nền càr sùm hòi jà, ai tơl bơta ai ơruh pơnu in sơnđờm mŭt lơh broă, tơnggơs broă lơh broă sa, tă pơgồp tàm bơta bơtàu tơngguh bơh càr dê, mò H Yim Kđok, Phó Củ tịc Anih duh broă Làng bol càr Dăk Lăk sồr ală kâp ủy, gơnoar ătbồ pal tơngguh tai broă lơh tìp măt boh bơr tơn mờ đoàn viên, ơruh pơnu nàng di tŭ iăt kơno ală jơnau dan, jơnau sồr. Bơh hơ̆ geh ală broă lơh tơngguh uă cồng nha bơto, bơ̆t bơtàu mpồl cau lơh broă kơnòm să jak chài ngan nàng tơngguh tai mpồl cau lơh broă ai càr in.