Jat jơnau yal tàm pơrjum, GRDP quý I càr Dăk Lăk dê gơguh 7,47%, lơyah rlau mờ jơnau geh ai. Bàr pe bơta gơn kơnờm gơguh tai bè lơh sa mờ măi mok- bơt bơtàu, ai priă bơcri dà lơgar, gơ hòi gơ jà bơcri priă ờ hềt lơh geh mờ jơnau sồr. Ală cau ala mat pà gĭt, tŭ do priă tă lơh bơh sơn rờp gơguh jat bơta tam gơl giă xăng zờu dê, gam gơrềng tus broă lơh lơh sa, kă bro. Gah bơt bơtàu gơguh tai lơyah tài bơh giă phan bơna bơt bơtàu gơguh mờ lơyài ai mat ù uă rơndăp broă.

Tềng đăp uă bơta lòng gơwèt mờ jơnau kờñ gơguh tai, ồng Đỗ Hữu Huy, Củ tịc Anih duh broă Làng bol càr Dăk Lăk sồr ală mpồl lơh broă mhar kờp sền wơl jơh ală broă jàu, tơrgùm bơsong ală gah gơguh tai lơyah, chồl mhar ai priă bơcri dà lơgar, tă bơsong bơta kòl yan ai ală rơndăp broă lơh gơn kơnờm in. Cau lam bồ pal đơng lam tơn mờ kong kơnòl bè cồng nha lơh jat.