Pơrjum đơs, nam 2025 là dùl nam bềng bơta lòng, tŭ khà gơguh Kờp jơh phan bơna lơh geh (GRDP) tàm ù tiah càr dê kờp dŭ geh 6,68%, ờ geh broă rơndăp lơh 8% neh ai. Jơnau bơh tài gơbàn là tơngai pơrgon ai priă bơcri dà lơgar gam lơyài, mìng geh pơgăp 43% broă rơndăp lơh; kờp jơh priă bơcri jơh gùt mpồl bơtiàn mìng geh 82,5%. Bơtơl tàm hơ̆, càr kong hoàc hươr kơn jơ̆ bơh trồ tiah lơh aniai, mìu càl rbŭt dờng dà tih dà lìu lồi nam. Bulah ờ geh broă jàu gơguh, mơya nam 2025 tàm Dăk Lăk kung gŏ ală gơguh lơh sa – mpồl bơtiàn niam ngan.

Pơndrờm mờ nam 2024, rề dia dà lơgar kờp dŭ geh 16 rbô 490 tơmàn đong, gơguh 17%, priă geh bơh tăc phan mờ lơgar ndai geh pơgăp 2 tơmàn 800 tơlak dolar Mỹ, gơguh 26%. Jăt tàm bơta mblàng sền broă, Mpồl Lơh kơnòl broă sùm Tỉñ ủy càr neh ring bal broă rơndăp lơh gơguh GRDP nam 2026 geh 10% (khà gơguh 2 nơm sồ), tơnggŏ lơh ngan jơh nùs cíñ trị uă nàng kờñ ai wơl bơta kơnờm bơtàu tơngguh tơnơ̆ trồ tiah lơh aniai.