Pơn jat tai lơh jat niam gơnoar broă anih tờm tàm bơt bơtàu mpồl tam klăc dờng jơh gùt jơi bơtiàn tàm Pơrjum dờng cau ala mat dơ̆ I, tơngai lơh broă bơh nam  2025–2030, geh bơyai lơh tàm 2 ngai, ngai 16 mờ 17/12, Mặt trận Dà lơgar Việt Nam càr Dăk Lăk sền gĭt 6 broă lơh lơh broă tờm, wèt tus sơlơ tơnguh tai bơta ring bal mpồl bơtiàn mờ ngui niam bơta pràn làng bol dê tàm tơngai pa.

Tàm tơngai tus, Anih duh broă Mặt trận Dà lơgar Việt Nam càr Dăk Lăk neh lơh jat niam gơnoar tờm, tờm ngan tàm bơt bơtàu mpồl tam klăc dờng jơh gùt jơi bơtiàn; sơlơ tơnguh tai bơta ring bal mpồl bơtiàn, lơh geh tơngume cíñ trị kwơ màng nàng càr in kơ̆ kơl jăp mờ bơtàu tơnguh tàm tơngai geh uă bơta tam gơl dờng bè mpồl kwang bàng lơh broă. Mặt trận ală kấp càr Dăk Lăk pơn jat tai tơngŏ loh làng gơnoar pơgồp bal, hòi jà tă pơgồp bal bơta pràn, sền gròi gàr tơl niam rài kis mpồl bơtiàn; pơn rơ ngan là tus bal broă lơh tơn jơh hìu lơh ing, hìu ồm sềt nhăt dà mìu; di tŭ hòi jà, tam pà ală bơta pràn dong kờl làng bol bơsong jơnau gơ lời wơl tài bơh trồ tiah lơh aniai, gàr niam di cau, di tŭ tơngai. Pơrjum dờng neh ring al 6 broă lơh lơh broă tờm mờ 13 broă jàu ngan ngồn tàm tơngai lơh broă 2025–2030.