Gah ròng phan ală tiah rcang lài lam lài uă broă lơh nàng kờñ gàr tơl tăc phan bè ờs mờ bơta niam bơkah drà kă bro dê. Kờp jơh mpồl phan poan jơng, iar ada jơh gùt càr Dăk Lăk lơh geh mờr 18 tơlak 500 rơbô nơm, gơguh pơgăp rlau 1 tơlak nơm pơndrờm mờ nam lài. Khà poăc ală bơta kờp dŭ lơh geh 256 rơbô 700 tấn, gơguh 11 rơbô 700 tấn, lơh geh jơnau kờñ ngui sa tàm càr mờ ală tiah rềp bal tàm tơngai Sa tềp mờr tus.

Ồng Nguyễn Văn Hà, Phó Kwang atbồ Sở Broă lơh sa mờ Bơtàu tơnguh Ƀòn lơgar càr Dăk Lăk pà gĭt: ală mpồl lơh broă bal, tiah ròng phan uă, hìu bơnhă ròng phan tàm càr gam tơnguh mpồl phan ròng nàng di tŭ tăc tàm drà kă bro lồi nam in. Sở neh sồr ală mpồl lơh broă geh gơrềng sơlơ tơnguh tai rcang lài kơryan kòp tàm mpồl phan ròng, lòt sền sàng goh phan ngui sa tàm ală anih lơh poăc tơrgùm bal, ală drà bơh sơn rờp nàng sŏk sền bơta niam bơkah phan bơna dê.