Ồng Dương Văn Trang, Ƀí thư Tỉñ ủy, Củ tịc Mpồl duh broă Làng bol Tỉñ ủy càr Kon Tum đơng lam pơrjum. Tàm Jơnau lơh nền tàm pơrjum sồ 1761, ngai 17 nhai 12 nam 2024, Ƀan Ƀí thư Đảng Dà lơgar tơlik jơnau lơh nền pơn jăt tai tus bal Mpồl lơh kơnòl broă sùm Tỉñ ủy càr Kon Tum tơngai lơh broă bơh nam 2020 tus 2025 gơwèt mờ mò Trương Thị Linh, Kwang geh jơng tàm Tỉñ ủy viên, Kwang lam bồ Mpồl lơh broă cíñ trị Tỉñ ủy càr Kon Tum mờ Đại tá Nguyễn Thế Vinh, Kwang geh tàm Tỉñ ủy viên, kwang đơng lam Mpồl đơng lam ling klàng càr Kon Tum.

Jào jơnau lơh nền bơh Ƀan Ƀí thư ai mò Trương Thị Linh mờ Đại tá ồng Nguyễn Thế Vinh in, ồng Dương Văn Trang, Ƀí thư Tỉñ ủy, Củ tịc Mpồl duh broă Làng bol càr Kon Tum đơs nền do là bơta pơnyờ să mờ kung là kơnòl dờng màng ngan mờ Đảng neh pin dờn jào. Ồng Dương Văn Trang kơ̆p kờñ 2 nă kwang bàng pa bơh Mpồl lơh kơnòl broă sùm Tỉñ ủy càr Kon Tum dê pơn jăt tai lơh ngan tơnguh uă bơta ngăc ngar nàng di pal mờ jơnau kờñ tàm kơnòl broă geh jào.