Nàng tơl nă cau tĕ khà ndrờm geh sră pồ di tŭ mờ di jơnau sồr, Kwang àng càr Dăk Lăk git nền kờp sền, cih mat cau tĕ khà là broă kuơmàng. Mpồl kwang àng càr neh rơcang lài pơgồp bal nền nòn mờ Anih duh broă tĕ khà ală kâp tàm broă lùp, tàm pơn drờm mờ tơmut yal tơnggit jơnau làng bol ơm kis. Bơta tờm geh ơn tàm broă tam gơl sồ yal tơnggit jơnau, ndrờm bal jơnau tơnggit bơh anih yal tơnggit jơnau dà lơgar bè làng bol ơm kis, bơh hơ̆ tơrmù ƀà tìs, ndrờm bal halà lời huĭ cau tĕ khà. Broă ngui yal tơnggit jơnau sồr ờ mìng tơnguh bơta dipal, loh làng tàm broă cih mat cau tĕ khà mờ gam lơh gơlik bơta ƀuơn tàm broă lir, phàt sră cau tĕ khà, gàr tơl nă làng bol geh tơl bơta ndrờm lam lơh gơnoar tĕ khà he dê.

Kwang àng càr Dăk Lăk neh ai cau lơh broă, crơng gơs 10 jơnum lơh broă mờ rlau 300 nă kwang bàng, cau ling kwang àng tus tơn 102 sàh, sơnah ƀòn nàng git bơta geh ngan, di tŭ bơsong ală broă gơlik geh, ngan là tàm ală tiah kuơmàng.