Càr Dăk Lăk neh lam lơh broă lơh rcang lài ai dơ̆ tĕ khà niam ngan, gàr niam di tŭ tơngai mờ di jơnau sồr. Anih duh broă Tĕ khà càr neh yal mat ngan ngồn 25 nă cau tơlik mat tĕ khà Cau ala mat Quôk hội khoă XVI tàm 5 mpồl lơh broă tĕ khà nàng pồ 15 nă Cau ala mat Quôk hội; 141 nă cau tơlik mat tĕ khà Cau ala mat Mpồl duh broă Làng bol càr tàm 27 mpồl lơh broă tĕ khà nàng pồ 84 nă Cau ala mat Mpồl duh broă Làng bol càr khoă XI, tơngai lơh broă bơh nam 2026- 2031.

Jat mò Cao Thị Hòa An, Củ tịc Mpồl duh broă Làng bol càr, Củ tịc Anih duh broă Tĕ khà càr Dăk Lăk, tơngai bơh tŭ to tus ngai 15/3/2026 là tơngai “gơ jal ngan”, geh gơtha lơh nền tàm broă rcang ală broă lơh kwơ màng bơh broă lơh tĕ khà dê. Den tàng, mò sồr ală kấp ủy, anih lơh broă, mpồl lơh broă mờ ală tiah kờñ pal lơh jat uă ngan nùs nhơm geh kơnòl, rcang lài, kràñ cê jơh nùs tàm đơng lam, sồr lơh, gàr niam tơl broă lơh tàm broă lơh tĕ khà dê geh lam lơh jat di mờ jơnau sồr.