Đơs tàm dar pơrjum, Thủ tướng ồng Phạm Minh Chính đơs sùm cồng nha lơh geh tàm broă tơn jơh hìu ing, hìu ồm sèt nhăt dà mìu, “Broă lơh sơrbac mhar”, tàm pơgap 1 nam 4 nhai neh sồr lơh gơs, tơn jơh rlau 334 rbô nơm hìu ing, hìu ồm sèt nhăt dà mìu tàm gùt lơgar, tam gơl gơ gơs ală hìu pa dờng niam. Gơ wèt mờ hìu ơm mpồl bơtiàn, Thủ tướng đơs sùm, ală cồng nha pal chờ hờp ngan tŭ jơnau kờñ geh ai tơlik tàm nam 2025 là lơh gơs 100 rbô nơm hìu ơm mpồl bơtiàn, tus tŭ do neh lơh gơtùi mờ sơrlèt rlau broă jàu. Mờ tơngai lam lơh bè do, Thủ tướng pin dờn, lơyài ngan rlau jơh là tus nam 2028 rơp lơh gơs 1 tơlak nơm hìu ơm mpồl bơtiàn. Thủ tướng sồr bơtàu tơnguh drà tac bro ù tiah hìu đam niam bơnĕ, kơnhăp jŏ; lơh gơlik li la priă bơcri ai ù tiah hìu đam in bơh anih priă jền, trái phiếu, lơh broă bal đah dà lơgar mờ cau nă să is. Nùs nhơm bal bơnĕ bơnài, ờ mìng gơtùi gàr kơnhăp kơ̆ bè giă priă tàm lơgar pơndrờm mờ priă lơgar ndai, priă cồng mơya gròi sền bơta roh giă priă; gròi sền giă ù tiah hìu đam, mờ kung lơh gơs anih tờm tac bro ù tiah hìu đam, bơsong broă gơ jơngkah ù tiah hìu đam.