Củ tịc Quôk hội ồng Trần Thanh Mẫn pà gĭt, tàm dar pơrjum do, Anih duh broă Lơh kơnòl broă sùm Quôk hội rơ̆p tă pơgồp jơnau đơs gơwèt mờ 10 rơndăp broă lơh adat mờ 1 jơnau rcang cih Jơnau lơh nền tàm pơrjum kờp dŭ lài yal ring bal tàm dơ̆ pơrjum dơ̆ 1. Mpồl tơngume dờng, broă lơh tam gơl niam ơnàng, uă broă gam geh jơnau đơs krơi is; sồr ală cau tàm mpồl Anih duh broă Lơh kơnòl broă sùm Quôk hội, ală Ƀộ, gah broă tơrgùm lơh loh ală broă gam gơ kòl, ală broă lơh gam geh ală rơndăp broă lơh sac rơwah, ală tơngume kờñ dan jơnau đơs đơng lam nàng ring bal lài mờ tŭ yal mờ Quôk hội in.

Đơs sùm mìng gam 13 ngai tai là lơh tus dơ̆ tĕ khà, Củ tịc Quôk hội đơs wơl jơnau sồr lơh bơh Tổng Ƀí thư ồng Tô Lâm dê, kơnòl broă tờm tàm nhai 3 do là pal lơh dơ̆ tĕ khà Cau ala mat Quôk hội mờ Cau ala mat Mpồl duh broă Làng bol ală kấp mờ rcang ai dơ̆ pơrjum dơ̆ 1, Quôk hội khoă 16, pơrjum dơ̆ 1 bơh Mpồl duh broă Làng bol ală tiah lơh geh cồng nha niam bơnĕ.