Tàm nùs nhơm nền nòn, ală cau ala măt bal mờ làng bol neh chu ñàng, ai dùl phút nàng kah kơlôi ală cau ling phi să, chơ̆t màng, ală kwang bàng kăc màng neh phi să tàm bơta khăt gơboh is Dà lơgar dê.

Do kung là dơ̆ nàng bơto bơtê bơhiàn ờs mờng kờñ gơboh dà lơgar, kăc màng ai rơnàng tŭ do in, bơtơl nùs nhơm pin dờn mờ kơnòl broă gơwèt mờ broă bơ̆t bơtàu mờ sền gàr Dà lơgar. Tus bal Dơ̆ ưn ngài, ồng Lê Chí Quyết, Phó Củ tịc Anih duh broă atbồ Ling klàng càr Dăk Lăk lài do, Phó Ƀí thư Tỉñ ủy càr Dăk Lăk lài do ngoh rơngăc tam pà bal, broă bơyai lơh ưn ngài di tàm tŭ Pơrjum dờng dơ̆ XIV Đảng dê gam geh lơh ngai sơlơ geh kwơ màng ngan nàng pơn jăt tai bơhiàn kăc màng, tơnguh nùs nhơm pin dờn bơh kwang bàng, đảng viên bal mờ làng bol tàm broă đơng lam bơh Đảng dê.