Tàm do, Ƀí thư Tỉñ ủy càr Lâm Đồng ồng Y Thanh Hà Niê Kđăm neh pơyua jơnau nting bơr gờm chờ tus Bàp yàng Đỗ Mạnh Hùng bal mờ ală cau dong broă yàng bàp, ală cau drơng broă yàng bàp mờ jơh gùt làng bol jat yàng Bàp dùl Kàl Noel lơngăp lơngai, chờ hờp, gơboh gơbài, bềng lìu bơta gơ klŏ gơ crà bơh Yàng dê mờ dùl nam pa lơngap lơngai. Ƀí thư Tỉñ ủy càr kơp kờñ tàm tơngai tus, Bàp yàng Đỗ Mạnh Hùng bal mờ ală cau dong broă yàng, cau drơng broă yàng tàm Hìu jum yàng Bàp Phan Thiết ngui niam gơnoar broă, hòi jà làng bol jat yàng Bàp pơrjum pin dờn jat yàng kơljap sùm, pơn jat tai lơh jat niam ală jơnau lơh nền, broă dong kờl bơh Đảng, adat boh lam bơh dà lơgar dê; lơh jat niam gùng dà broă lơh “Duh rơngòt yàng, kờñ gơboh dà lơgar”, “kis niam àng sơdah jơnau yàng”, đòm jat nùs nhơm “cau jat yàng bàp niam là làng bol niam”. Mờ kung gàr sùm bơta git gơp niam bơnĕ, lơh ngan tìp mat tơm boh bơr, pơgồp bal mờ ală kâp, ală gah broă lơh bơh càr Lâm Đồng dê.