Tàm nùs nhơm chờ hờp wă Trung thu, ồng Trần Cẩm Tú, Duh broă sùm Mpồl Đơng lam Đảng Dà lơgar bal mờ mpồl lơh broă neh còp mờ pà phan ală oh dềt tàm Ƀòn kơnòm dềt SOS tàm Hà Nội in. Ồng kơ̆p kờñ tơl nă bơyô dềt wă Trung thu ram mhŭ tàm hìu đềt mềr kờñ gơboh, tơryăng tơryồng dòn bơr, bơsram jak. Mò Bùi Thị Minh Hoài, Chủ tịch Anih duh broă Mặt trận Dà lơgar Việt Nam neh lòt còp, pà phan ală sau kơnòm dềt gam sơm kòp tàm Hìu sơnơm Kơnòm dềt Dà lơgar.

Đềr mềr còp să, pơndờm pơnđiang ală sau mờ hìu bơnhă, mò Bùi Thị Minh Hoài kơ̆p kờñ ală kơnòm dềt gờñ bời kòp, pràn kơldăng; ală hìu bơnhă sùm sền gàr pràn kơldăng, pơndờm pơnđiang bal, bal mờ ală sau sơrlèt gan tŭ tơngai kal ke, jai pha mờ kòp jê. Kung tàm dơ̆ do, ồng Trịnh Văn Quyết, Lam bồ Mpồl Mblàng yal bơto bơtê Dà lơgar bal mờ Mpồl lơh broă neh lòt còp, pơndờm pơnđiang cau kòp là kơnòm dềt tàm Hìu sơnơm Kơnòm dềt Hà Nội mờ Hìu sơnơm Ling klàng 103.