Mpồl lơh broă bơh Ling tiah 5 dê neh lòt sền ù tiah ngan ngồn tàm ală broă lơh, geh: pôs đồng Mpồl đơng lam rơcang gàr tiah 4 - Đô Vinh, Trung đoàn 896, Đại đội gròi sền măi mok mờ ală ƀlàng tàp ling Khánh Vĩnh, gơ wèt Gah đơng lam Ling klàng càr Khánh Hòa.

Tơnơ̆ tŭ iat ală mpồl mờ ală cau tờm lơh rơndap broă yal bè tŭ tơngai hơ pơrgon lam lơh rơndap broă, ală bơta ƀuơn, bơta kal ke tàm tŭ lam lơh, Trung tướng ồng Lê Ngọc Hải, Đơng lam ling tiah 5 sồr ală mpồl lam lơh rơndap broă tơrgùm priă jền, tơnguh mhar tơngai lam lơh nàng mhar lơh gơs, jàu broă lơh jat broă rơndap lơh; mờ kung sền gròi tus bơta niam, gàr bơta dipal, ring bal ù tiah pôs ling. Gah đơng lam ling klàng càr Khánh Hòa sùm jat sền tơngai lam lơh pah ngai, di tŭ tơrgùm wơl, yal rê hờ Ling tiah 5 nàng gàr ală rơndap broă lơh gơs di jơnau kờñ, broă rơndap lơh ai tơlik.