Drà tơrgùm rlau 250 anih ràng tăc phan bơh rlau 100 mpồl lơh sa kă bro, mpồl lơh bal, anih lơh gơlik phan tus bơh 16 càr, ƀòn dờng tàm gùt lơgar, ràng tơlik ală phan bơna OCOP, phan bơna lơh mờ măi mok ƀòn lơgar pơn rơ, phan bơkah pơn rơ kơnhoàl ù tiah mờ ù tiah sền gĭt phan sa Tây Nguyên. Do là broă lơh gơ hòi gơ jà kă bro phan tờm di dơ̆ lồi nam, lơh geh gah tàm tơrbŏ bal kă bro phan, yal tơngĭt phan bơna pơn rơ mờ dong kờl mpồl lơh sa kă bro pờ ơnàng drà kă bro.

Mò Đỗ Thị Thu An, Kwang lam bồ Sờh Lơh sa mờ măi mok mờ Kă bro phan càr Dăk Lăk pà gĭt, drà geh bơyai lơh tàm tơngai  blơi uă phan lồi nam, tŭ ală phan bơna neh geh rơwah bơh ală tiah dê. Ală mpồl lơh broă tus bal ờ mìng sền gròi bơta bơkah niam lơm mờ gam ai tơlik giă tăc di pal, lơh geh jơnau kờñ ngui sa bơh làng bol dê, is ồn tàm tơngai sa tềp bơhiàn Dà lơgar mờr tus.