Tàm dơ̆ wă, ồng Trần Cẩm Tú đơs nền Việt Nam ring bal sền lơgar Nhật Bản là dùl tàm ală lơgar lơh broă bal lam lài mờ jŏ jòng, kờñ lơgar Nhật Bản bơtàu tơnguh mờ pơn jat tai tă pơgồp jơh nùs tàm broă bơt bơtàu ring lơngai, kơ̆ kơl jăp, lơh broă bal mờ bơtàu tơnguh tàm tiah do mờ tàm dunia.

Bàr gah ring bal pơgồp bal niam nàng lam lơh ală jơnau ring bal bơh đơng lam bồ kấp dờng 2 lơgar, tàm hơ̆ geh broă sơlơ tơnguh tai lơh bal lơh sa mờ gàr niam lơngăp lơngai lơh sa, lơh broă bal jak chài măi mok, sơlơ tơnguh tai mờ lam lơh ală rơndăp broă lơh lơh broă bal ngan ngồn tàm ală gah pa bè tam gơl sồ, tam gơl tơlir, tam gơl pa bơceh lơh, jak chài măi mok, ƀán zẫn.