Khánh Hòa sơlơ tơnguh tai lơh sa mờ măi mok dong kờl, wă ală priă FDI gah lơh ơhò
Thứ sáu, 10:47, 24/07/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Ngai 23/7, tàm Tiah lơh sa mờ măi mok Ninh Thủy, sơnah ƀòn Đông Ninh Hòa, Tiah lơh sa Vân Phong, càr Khánh Hòa bơyai lơh sơnđờm mut lơh Rơndăp broă lơh Hìu măi crăp lơh phan dờng (Block) lơh pa ơhò bơh Kông ty Miboo Heavy Industries.
Rơndăp broă lơh geh kơ̆p kơnờm pơgồp bơnah lơh geh ală anih lơh sa mờ măi mok dong kờl, tơnguh khà lơh is tàm lơgar tàm gah lơh ơhò. Rơndăp broă lơh bơh mpồl lơh sa kă bro geh 100% priă lơgar Hàn Quốc bơcri lơh, kờp jơh priă bơcri lơh rlau 528 tơmàn đong, tàm bă ù ơnàng rlau 12 lồ, bơta pràn lơh 30 rơbô tấn phan bơna pah nam.
Jat broă rơndăp lơh, rơndăp broă lơh lơh sir tơngai dơ̆ 1 tàm qúy I nam 2027, ai mut ngui tàm qúy II nam 2027 mờ lơh sir jơh ală bơta tàm qúy III nam 2027. Tŭ mut lơh broă kơ̆ kơl jăp, hìu măi kờp dŭ lơh geh broă lơh ai pơgăp 300 nă cau lơh broă in, tơnơ̆ hơ̆ tơnguh pơgăp 500 nă cau lơh broă; pơgồp bơnah bơh 10 tus 12 tơmàn đong pah nam tàm kes priă tiah do dê.
Viết bình luận