Duh hồl Ngai chờ sền gàr tiah nhàr lơgar jơh gùt làng bol tàm 16 sàh, sơnah ƀòn tiah nhàr lơgar càr Dăk Lăk
Thứ ba, 10:46, 03/03/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Di tơngkah kir sơnrai Ngai bơhiàn Mpồl ling sền gàr tiah nhàr lơgar mờ Ngai chờ sền gàr tiah nhàr lơgar jơh gùt làng bol ngai 03/3, Mpồl ling sền gàr tiah nhàr lơgar càr Dăk Lăk dồ ròt bơyai lơh uă broă lơh ngan ngồn tàm 16 sàh, sơnah ƀòn tiah nhàr lơgar dà lềng mờ ù gờl.
Mpồl ling pơgồp bal mờ kâp ủy, gơnoar atbồ, Mặt trận dà lơgar mờ ală mpồl cau jàu 10 nơm hìu tam klac dờng kờp priă mờr 1 tơmàn đong ai hìu bơnhă kal ke in; jàu priă dong kờl bơsram tàm broă lơh “Dong oh tus hìu bơsram – Kòn ròng Pôs ling sền gàr tiah nhàr lơgar”, pà rlau 500 bơnah phan ai hìu bơnhă làng bol, cau kra ƀòn, cau geh bơngă pin dờn in – do là mpồl tờm ngan tus bal sền gàr gơnoar tờm, lơngăp lơngai tiah nhàr lơgar.
Di dơ̆ do, broă lơh mblàng yal, bơto bơtê adat boh lam geh lam lơh uă, ngan là tơngume bè tĕ khà cau ala mat Quôk hội khoă XVI mờ Mpồl duh broă Làng bol ală kâp, pơgồp bơnah tơnguh jơnau git wă, kơnòl làng bol tàm tiah nhàr lơgar.
Viết bình luận