Jơnau kờñ bal là ală gah broă, ală tiah ndrờm pal gơguh lơh sa 8,8% rlau hơđang. Anih duh broă Làng bol càr Gia Lai sền gĭt tơrgùm bơtàu tơnguh jak chài- măi mok, AI, cip ƀán zẫn, năng lượng lơh gơlik wơl, broă lơh sa suơn sre ngui măi mok pa mờ lơh sa sồ.

Jơnau kờñ gơguh lơh sa kờp bal bal bơh càr dê jơh gùt nam là  bơh 8,8% tus 9,4%, mờ broă lơh quý I lơh geh 9,3%–10,0%; quý II bơh 8,0%–8,7%; quý III mờ qúy IV bơh 8,9%–9,5%. Jat tàm ală bơnàng jă do, Anih duh broă Làng bol càr Gia Lai jàu ală sờh, gah broă, ală tiah in gàr niam gơguh lơh sa ờ lơyah rlau mờ khà geh ai bơh càr dê. Tàm pơrjum, ồng Phạm Anh Tuấn- Củ tịc Anih duh broă Làng bol càr Gia Lai lơh nền Củ tịc Anih duh broă Làng bol ală sàh, sơnah ƀòn kong kơnòl jơh lơm, nàng gàr niam ờ dùl rơndăp broă lơh lơi gơtìp lơyài tài bơh gơkòl ai ù halà sră nggal.