Mờ bơta jơh nùs lơh ngan lơh geh wơl rơndap tap sèng tiah drà, bơh ngai 01/02 tus tŭ do, Mpồl kảñ sát rơndap tap sèng Kwang àng càr Gia Lai neh ai rlau 13 rbô 500 dơ̆ kwang bàng, cau ling kwang àng lam lơh lòt sền, sŏk sền. Bơh hơ̆, git gŏ, lơh glài rlau 100 nă cau lơh tìs, tơn jơh 5 anih lơh is drà. 

Jat Trung tá ồng Nguyễn Ngọc Sơn, Phó lam bồ Mpồl kảñ sát rơndap tap sèng, Cơldŭ kảñ sát Atbồ sră pơ àr gơnoar atbồ bè rơndap tap sèng mpồl bơtiàn, Kwang àng càr Gia Lai, bal mờ lơh glài broă lơh tìs, broă lơh mblàng yal kung geh lơh pràn mờ mờr 1 rbô dơ̆ mblàng yal tơn tàm tiah geh gal cau; rlau 10 rbô 400 hìu bơnhă kă bro neh kĭ jơnau hơ pơrgon at tê bal gàr niam rơndap tap sèng mpồl bơtiàn, rơndap tap sèng tiah drà. Trung tá ồng Nguyễn Ngọc Sơn pà git, mpồl rơp pơn jat tai sơlơ tơnguh sŏk sền, lơh glài, gàr Nam Lòt nhơl dà lơgar geh lơh niam ờdo ờdă.