Jat mat bơh Anih tờm hòi jà Bơcri priă mờ Lơh broă bal càr Gia Lai yal, tàm kờp jơh 138 rơndap broă geh 24 rơndap broă lơh geh lam lơh tàm pơrlòng giă gơnoar ngui ù. Pal sền gròi là uă rơndap broă lơh dờng ngan geh ai tàm pơrlòng giă tàm ală tiah tờm mờ tiah geh uă bơta pràn bơtàu tơnguh. 

Tàm sơnah ƀòn Pleiku geh Tiah drà CK54 mờ bă ù ơnàng 65,8 lồ mờ Tiah drà brê bơnơm Trà Đa ơnàng 53 lồ. Bơdìh hơ̆ tai, gam geh ală ƀòn làng bol ơm kis tàm sàh Đức Cơ ơnàng 12,21 lồ mờ sàh Cát Tiến ơnàng 15 lồ. Mờ broă yal mat ală rơndap broă lơh, càr kơp kơnờm rơp ngui geh cồng nha bơta pràn bè ù tiah, gơ hòi gơ jà ală cau bơcri priă geh pràn jak, pơgồp bơnah chồl tơnguh bơtàu tơnguh lơh sa – mpồl bơtiàn, rơhời lơh sir phan bơna tiah drà, kă bro phan, broă drơng ala mờ lòt nhơl tàm càr tàm tơngai tus.