Tus bal mờ đơs tàm dơ̆ bơyai lơh, Kwang geh jờng Ƀộ Cíñ trị, Kwang lam bồ Mpồl gùng dà broă lơh, broă rơndap lơh Dà lơgar ồng Nguyễn Thanh Nghị nting bơr gờm chờ ală cau geh jờng rơ; đơs sùm, ală cau kơnòm să là bơta tờm ngan gơ rề nùs nhơm jơh nùs, mblàng wơl bơta kờñ gơboh ai rơnàng kơnòm să in lam lài tàm bơsram sră, kơlôi sơnơng, lơh broă, tam gơl pa bơceh lơh lơh tờm jak chài măi mok, khin sơnơng, khin lơh mờ tă pơgồp tài bơta kuơ dà lơgar, jơi bơtiàn.

Bơh 145 sră nggal bơh 37 mpồl dê, Mpồl duh broă Khà jờng bơh 2 dar sac rơ wah mờ rơ wah tàm internet neh rơ wah geh 10 nă cau kơnòm să pơn rơ ngan. Tơl nă cau ndrờm cèng jơnau yal mblàng wơl bơta kờñ gơboh, ờ mìng bơceh lơh, tă pơgồp mờ gam tus bal atbồ, gơ rề bồ tơngoh bơsram sră, mờng chài mờ bơtàu tơnguh mat kă bro phan Việt Nam tus dunia.