Mang 25/12, tàm Hà Nội geh lơh Broă lơh “Hồ Chí Minh – Gùng lòt kơ̆p kờñ ngan 2025” mờ tơngume “Việt Nam pas sơm”, jờng rơ ală mpồl cau, cau nă să is pơnrơ gùt lơgar tàm bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh. Tàm 90 phuk, broă lơh wăc mòn ngan ngồn ală jơnau niam bè nùs nhơm tă pơgồp dà kơlhề, kơnòl, bơceh lơh tài mpồl bơtiàn, bơh hơ̆ lơh gơrề bơta kwơ niam bơnĕ, lơh gơlik bơta gơn kơnờm pràn kơldang ai srơh tàm pơrlòng gơboh lơgar in.

Tus bal mờ đơs, Tổng Ƀí thư ồng Tô Lâm đơs sùm, bơh bơta đơng lam bơh Đảng dê, dơ̆ tam gơl bơta yau gơgơs bơta pa rơndăp tăp sèng rơndăp broă mpồl lơh broă ală anih lơh broă cíñ trị jăt gùng dà tơrmù dipal, lơh broă gơtùi, geh cồng nha pơn jăt tai geh lơh pràn, wèt tus jơnau kờñ bơ̆t bơtàu gơnoar ătbồ rềp làng bol, tài làng bol; lơh jăt geh cồng nha ală broă lơh bơtàu tơngguh lơh sa – mpồl bơtiàn, trăng gàr, tơngguh uă rài kis làng bol in. Tổng Ƀí thư ồng Tô Lâm sồr jơh gùt Đảng, jơh ală anih lơh broă cíñ trị pơn jăt tai lơh ngan “bañ lời cau lơi gơtìp lời ơm wơl hờ ngkời”, pờ ơnàng ù tiah bơtàu tơngguh ai dà lơgar in.