Jơnau đơs bơh sơn rờp pà gŏ geh pơgăp bơh 10 tus 15 ƀồc ntìng cau ling chơ̆t màng chơ̆t phi să, geh tơ̆p tàm do tàm ală rài tam lơh. Rlau 20 nă kwang bàng, cau ling mờ ling griăp ƀòn gơwèt Gah đơng lam Ling klàng càr neh kơrhia ngan plồ tă tơl tăp ù lŭ, khòm tơrgùm mờ cih sồ kờp sền ală phan bè nsàng gar phàu, khar zờu tàm biài pơr hê.

Lài hơ̆, jat tàm sră nggal, cau gĭt jơnau kah yau mờ jơnau yal bơh kwang bàng kwang àng yau tiah do dê neh gĭt gŏ 2 ƀồc ntìng tơnơ̆ nam 1975, anih lơh broă geh gơnoar neh cang tiah lòt jòi. Tŭ do broă lơh rờ tơrgùm pơn jat tai geh pờ ơnàng tus tiah Cổng Hậu, rơndăp broă lơh lơh niam wơl ƀòn dờng yau, Hìu jàm ing Kwang àng kơnhoàl yau bal mờ bơnah ù ală hìu bơnhă ơm rềp kềng gah nàng pleh gơtìp lời hŭi.