Mpồl sồr lơh tĕ khà càr lam lơh ai 4 mpồl lòt sền tơn tàm ală jơnum tĕ khà, anih đùh sră, kờp sền nền nòn tơl bơnah broă lam lơh, gàr di adat boh lam, niam ờdo ờdă, nền nòn. 

Tus tŭ do, jơh 65 sàh, sơnah ƀòn, tiah is ồn tàm càr Khánh Hòa neh lơh sir broă cih mờ lir mat cau tĕ khà, jơnau yal lơyah bơh cau tơlik mat tĕ khà dê jat jơnau sồr. Ală sàh, sơnah ƀòn, tiah is ồn pơn jat tai kờp sền ală mpồl cau tam gơl bè cau lòt lơh broă tàm dà lềng jŏ ngai, cau lòt ling, cau ờ geh mat ing.. nàng kờñ gàr gơnoar tĕ khà làng bol dê geh lơh wil tơl, ờ tìs. Bal mờ phan bơna, broă lơh mblàng yal geh lơh pràn jat gùng dà ngac ngar, dipal mờ tơl bă tiah; sền gròi tus broă hòi jà làng bol ơm kis ing, lơh broă tàm dà lềng, cau kơ đơng yàng, cau jat yàng; tơnguh tŭ jơ mblàng yal mờ dà kòn cau Rơglai, Rơđê, Prum tàm tiah làng bol jơi bơtiàn dồ êt nă cau.