Khánh Hòa lơh sir tĕ khà gờñ tàm Lữ đoàn Đặk kông Dà 5
Thứ sáu, 10:01, 06/03/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Ngai òr (05/03), tàm Lữ đoàn Đặk kông Dà 5 (sơnah ƀòn Đông Hải, càr Khánh Hòa), tiah đùh sră sồ 4 neh bơyai lơh dơ̆ tĕ khà gờñ Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026–2031, mờ ală cau tĕ khà là kwang bàng, cau ling gơwèt Ƀiñ củng Đặk kông, rcang lòt gùng lơh jat kơnòl pal lơh tàm ală gùng dà lềng, bồt bơlào.
Tàm tiah đùh sră geh rcang niam ngan, gàr niam bơta yŭ rơyùm, di jơnau sồr. Tơnơ̆ dơ̆ sơnđờm mut lơh, Mpồl tĕ khà yal tơngĭt jơnau, jơnau pal jat cơldŭ đùh sră, bơto pơlam rơndăp tăp sèng lơh jat gơnoar tĕ khà.
Ală cau tĕ khà lơh dơ̆ dan cih mat, dờp sră đùh mờ đùh sră jat di jơnau sồr. Broă bơyai lơh dơ̆ tĕ khà gờñ dong kwang bàng, cau ling lơh jat tơl làm gơnoar mờ kơnòl broă làng bol lài mờ tŭ ntrờn làm bă tiah lơh kơnòl pal lơh. Broă lơh tĕ khà geh bơyai lơh lơngăp lơngai, yal tơngĭt loh làng, di jơnau sồr bơh adat boh lam.
Viết bình luận