Tus tŭ do, jơh gùt càr neh tơnggơs 66 Mpồl Sồr lơh tĕ khà, 66 Anih duh broă tĕ khà bal mờ ală mpồl dong broă; 4 Mpồl tĕ khà Cau ala mat Quôk hội, 19 Mpồl tĕ khà Cau ala mat Mpồl duh broă Làng bol càr mờ 387 Mpồl tĕ khà Cau ala mat Mpồl duh broă Làng bol kấp sàh. Geh 65 sàh, sơnah ƀòn, tiah is ồn ring bal 1 rơbô 123 tiah đùh sră drờm mờ 1 rơbô 123 mpồl tĕ khà.

Drờm mờ broă kờp sền mat cau tĕ khà, broă lơh mblàng yal geh lam lơh làm ală tiah bơh ală gah pờ tơlik jơnau đơs ƀòn lơgar mờ ală mpồl cau, dong cau tĕ khà gĭt loh tŭ tơngai, tiah đùh sră mờ broă lơh lơh broă bơh cau tĕ khà dê. Tàm poh lơh broă sơn rờp tơnơ̆ dơ̆ Sa tềp nam Ơseh 2026, Sờh Broă dơlam is càr neh tàm jàu hòm đùh sră ai ală tiah in. Bơh ngai 26/2 tus ngai 14/3, ală dơ̆ pơrjum tìp mat mờ cau tĕ khà geh bơyai lơh jat di mờ jơnau sồr.