Ală kòl yan tàm broă pơgồp bal, ai mat ù mờ sră pơ àr bơcri priă lơh pal geh bơsong jơh tơn nàng gàr niam tŭ tơngai lam lơh. Jat ală anih lơh broă geh gơnoar càr Khánh Hoà dê, uă rơndăp broă lơh dờng, rơndăp broă lơh gơn kơnờm tàm càr, gam lơyài tŭ tơngai mut lơh, gơtìp gơ kòl bơh tàm broă tàm jàu nhàr ù tiah, đo was, kờp sền ù tiah, sền gĭt bơta tờm ù tiah dê.

Tơnơ̆ tŭ sền sơwì ală rơndăp broă lơh lơyài tơngai mut lơh, ồng Nguyễn Việt Hùng, Củ tịc Anih duh broă Làng bol càr Khánh Hoà pà gĭt, càr rơ̆p kràñ cê jơh nùs rlau tai tàm broă lam lơh jat, ngan là tam gơl niam wơl bơta pơgồp bal ờ hềt niam đah ală mpồl lơh broă, cau tờm bơcri priă, pleh bơta dan cih mat bơcri priă lơh rơndăp broă lơh mìng nàng gàr tiah tơm.