Tàm dơ̆ dờp rò, Đại tướng ồng Nguyễn Trọng Nghĩa, Kong kơnòl Tổng cục Chính trị Ling klàng Làng bol Việt Nam, ala mat đơng lam bồ Đảng, Dà lơgar neh jàu Sră jờng rơ Cau khin cha jak chài mpồl ling phàu crong làng bol pà Kụk Mblàng yal Pơlam tàp in.

Ala mat Anih duh broă Đơng lam Đảng Dà lơgar, đơng lam bồ Bộ Ling klàng mờ Tổng cục Chính trị, Đại tướng ồng Nguyễn Trọng Nghĩa đơs nền, 80 nam do, Kụk Mblàng yal Pơlam tàp sùm lơh sir jak ngan kơnòl broă tă pơpgồp jơnau đơs kwơ màng lam lài gah broă bè broă lơh bồ tơngoh, niam chài tàm gùt ling klàng dê. Ală nam tus, bơta dunia, tàm tiah do kờp dŭ lài pơn jat tai tam gơl mhar ngan mờ kal ke, Đại tướng ồng Nguyễn Trọng Nghĩa đơs loh, ală mpồl cau gơ jrañ kơwềng, pơr lơ̆ dră pơn jat tai lơh pràn lơh aniai mờ broă lơh ngai sơlơ rơlăc rơleo; ală broă pa gơlik geh tàm bơta geh ngan bal mờ bơta gơrềng bơh gah lơh sa drà kă bro, internet mờ ală bơta lơngăp lơngai ờ hềt geh bơh lài tus tŭ do ai tơlik jơnau sồr ngai sơlơ uă gơwèt mờ broă lơh bồ tơngoh, niam chài tàm mpồl Ling klàng dê.