Mpồl neh tus còp mờ gờm chờ ală Bèp Yàng, pơgru bơto jơnau Yàng mờ cau  jat Yàng bàp tàm Hìu Yàng bàp Chính tòa Buôn Ma Thuột, Mpồl ala mat Tin lành càr, Hìu bơsram jơnau Yàng cau ùr Hòa Bình, Toà Giám mục Ban Mê Thuột, Anih duh broă tam klăc bal gah jat Yàng bàp càr, Mpồl Tin lành A lê A.

Ala mat kwang đơng lam bồ càr Dăk Lăk, ồng Trương Công Thái, Phó Củ tịc Anih duh broă Làng bol càr pơyoa jơnau gờm chờ pơrjum kah Ngai Kơnràñ lik lìng lơngai lơngò, hờn chờ tus mpồl cau jat Yàng bàp, cih dờp ală tă pơgồp bơh ală cau jat Yàng bàp dê tàm bơta bơtàu tơnguh bal bơh càr dê. Mơkung đơs nền, càr sùm sền dờng màng broă bơt bơtàu bơta gĭt gơ̆p niam bơnĕ đah ală gah jat Yàng mờ mpồl làng bol ơm kis, lơh geh dùl tiah ơm kis ring bal, tam klăc bal.