Tàm Hìu Yàng Bàp Kon Tum, ala măt Tỉñ ủy càr, Mpồl duh broă Làng bol càr, Anih duh broă Làng bol càr, Anih duh broă Mặt trận dà lơgar Việt Nam càr Kon Tum, ồng Dương Văn Trang, Ƀí thư Tỉñ ủy càr Kon Tum chờ gờm ală Bàp yàng ătbồ hìu yàng, bàp yàng mờ làng bol jăt Yàng bàp dồ kàl Noel lơngăp lơngai, chờ hờp chờ hờn. Ƀí thư Tỉñ ủy càr Kon Tum cih dờp bơta tus bal jơh nùs bơh ală cau duh broă yàng mờ làng bol jăt yàng bàp dê tàm ală srơh tàm pơrlòng gơboh dà lơgar, pơgồp bal pràn bal mờ Đảng ƀộ, gơnoar ătbồ tiah do bơ̆t bơtàu càr Kon Tum ngai sơlơ bơtàu tơngguh.

Ồng Dương Văn Trang kung cribơyai mờ ală bàp yàng bè gùng dà bơh càr dê bơh tŭ do tus nam 2025 dong ală hìu rƀah tơn jơh mờr 1 rbô 600 nơm hìu ing, hìu ồm sèt ñhăt dà mìu nàng làng bol in geh anih ơm niam bơnĕ rlau. Ồng tơlik nùs nhơm kơ̆p kờñ tơngai tus, bơh bơta bơto pơlam bơh ală bàp yàng ătbồ hìu yàng bàp, bàp yàng dê làng bol jăt yàng bàp càr Kon Tum pơn jăt tai sền gàr broă neh lơh geh, kis “niam rài kis àng sơrdah jơnau yàng”, tam klăc sơm băt tê bal bơ̆t bơtàu ƀòn lơgar tờm Kon Tum ngai sơlơ pas niam.