Lam bồ Mpồl broă dơlam is dà lơgar tus bal dơ̆ sơn đờm lam lơh “Broă lơh Quang Trung” tàm càr Lâm Đồng
Thứ ba, 08:55, 16/12/2025
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Drim òr (15/12), Lam bồ Mpồl broă dơlam is dà lơgar ồng Phan Đình Trạc tus bal Dơ̆ sơn đờm lam lơh “Broă lơh Quang Trung” tàm sàh Hàm Thuận Bắc, càr Lâm Đồng (kơnhoàl Hàm Thuận Bắc, càr Bình Thuận lài do).
Lơh jat “Broă lơh Quang Trung” mờ nùs nhơm sơrbac mhar, càr Lâm Đồng neh sơn đờm lam lơh mơ tơn 6 nơm hìu ai ală hìu bơnhă làng bol pa gơtìp roh hìu đam tàm dơ̆ mìu dà tih dà lìu nhai 12 tàm sàh Hàm Thuận Bắc.
Đơs sồr lơh, Ƀí thư Tỉñ ủy càr Lâm Đồng ồng Y Thanh Hà Niê Kđăm đơs sùm, broă lơh wơl hìu ơm là kơnòl jal mhar mờ cèng bơta niam chài kòn bơnus, ai tơnggŏ bơta sền gròi uă ngan bơh Đảng mờ Dà lơgar dê. Ồng sồr ală mpồl lơh hìu pal lơh broă mờ nùs nhơm jal mhar mờ kơnòl uă ngan rlau jơh. Jơnau kờñ geh ai tơlik là lơyài ngan rlau jơh là tus nggùl nhai 1 nam 2026, ală hìu pal geh lơh sir, gàr bơta niam nàng làng bol in geh hìu pa wă rò sa tềp bơhiàn dà lơgar Bính Ngọ.
Viết bình luận