Drim ngai 26/3, Kwang bàng Ƀộ Cíñ trị, Ƀí thư Đảng Dà lơgar, Lam bồ Mpồl Gùng dà broă lơh kwơ màng Dà lơgar ồng Nguyễn Thanh Nghị, Lam bồ Mpồl lòt sền, jat sền sồ 26, lơh broă mờ Tỉñ ủy càr Dăk Lăk, bơh jơnau ring bal cồng nha lòt sền, jat sền nam 2026 bơh Ƀộ Cíñ trị dê, Mpồl đơng lam Đảng gơwèt mờ Mpồl Lơh kơnòl broă sùm Tỉñ ủy. Tơngume tơrgùm tàm broă lam bơsram, lơh jat Jơnau lơh nền tàm pơrjum bơh Pơrjum dờng dơ̆ XIV Đảng dê mờ broă lơh rcang tĕ khà tơngai lơh broă bơh nam 2026-2031.

Đơs pơndŭt lơh broă, Lam bồ Mpồl Gùng dà broă lơh kwơ màng Dà lơgar ồng Nguyễn Thanh Nghị jờng rơ uă ngan bơta lơh ngan bơh càr dê tàm broă bơyai lơh bơsram jơnau lơh nền tàm pơrjum mờ broă lơh uă ngan, khà tus bal uă; rcang kờp sền kwang bàng, rcang lài niam ngan ală broă lơh tĕ khà mờ sơlơ tơnguh tai mblàng yal tàm tiah làng bol jơi bơtiàn dồ ết nă cau. Mơkung sồr càr Dăk Lăk pơn jat tai kờp sền ală cau ờ hềt geh bơsram jơnau lơh nền tàm pơrjum dê, tơnguh cồng nha bơsram lơh jat, lơh sir broă lơh lơh broă jat sền jơnau kờñ, jơnau sồr bơh Jơnau lơh nền tàm pơrjum dê.