Jơnau yal bơh Sờh Broă lơh sa suơn sre mờ Tiah ơm kis càr Lâm Đồng dê ai gŏ, bơh bồ nam tus tŭ do, giă phơng sih, sơnơm sền gàr phan tam neh gơguh kờp bal mờr 10%, is ồn phơng sih gơguh mờr 17%. Kờp dŭ lài bơh tŭ do tus lồi nam, priă tă blơi phan drơng lơh sa suơn sre in rơp gơguh bơh 3 tus 5%, geh phan gơguh tus 10%. Bulah giă blơi phan ngui gơguh uă, mơya gah lơh sa suơn sre, brê bơnơm, phan tàm dà bơh càr Lâm Đồng dê kung gam gàr sùm khà gơguh kơnhăp kơ̆, geh 5,39% tàm 3 nhai bồ nam do. Gah broă lơh sa suơn sre mờ tiah ơm kis rơp pơn jat tai lam lơh ală broă lơh dipal nàng kờñ dong kờl làng bol lơh broă sa. Tàm hơ̆ uă ngan tŭ do là ai lài gàr kơ̆ priă tă lơh gơlik phan, rơcang lài lam lơh ală broă lơh tơrmù priă tă lơh, gròi sền nền nòn phan ngui lơh sa suơn sre mờ pơlam làng bol tam gơl broă lơh sa, lơh gơlik phan gơ in dipal.