Jơnau kờñ bal bơh càr dê là tơnguh pràn jak đơs dà đơs lơgar ndai ai cau bơsram tàm kâp bơsram in, lơh jat jơnau kờñ bơsram, tơm boh bơr, git bơta git wă tàm sră pơ àr, jak chài – măi mok mờ mut gơ rờm bal ală lơgar; mờ kung pơgồp bơnah bơtàu tơnguh mpồl cau lơh broă, drơng ală gah geh bơta pràn bè lòt nhơl, broă drơng ala, lơh sa suơn sre ngui măi mok pa mờ lơh broă bal ală lơgar.

Gơ wèt mờ bơto bơsram pe kâp, càr rơp kờp sền jơnau kờñ bơsram dà đơs lơgar ndai bơdìh mờ dà Mỹ, pơn jat tai gàr sùm bơto dà Tây tàm ală hìu bơsram geh tơl bơta; mờ kung lam lơh tơrlòng lài broă lơh bơto dà đơs dà lơgar bơh Campuchia dê, is ồn là tàm ală sàh tiah nhàr lơgar. Kờp dŭ tàm tơngai sơn rờp rơp bơyai lơh bơto bơsram tàm 2 hìu bơsram kâp 2, geh mờr 15% kờp jơh khà hìu bơsram tàmt iah do. Broă lam lơh tơrlòng lài bơto dà đơs lơgar Campuchia tàm ală sàh tiah nhàr lơgar ờ mìng pơgồp bơnah tơnguh bơta niam bơto bơsram dà đơs lơgar ndai, mờ gam sơlơ tơnguh tai bơta tìp mat lơh kwèng làng bol, chồl tơnguh lơh broă bal lơh sa – mpồl bơtiàn, sền gàr kơ̆ dà lơgar – lơngăp lơngai, dipal mờ gùng dà mut gơ rờm bal mờ bơtàu tơnguh kơnhăp kơ̆ bơh càr Lâm Đồng dê tàm tŭ tơngai pa.