Do là ală broă lơh bơt bơtàu gơwèt dơ̆ sơnđờm mut lơh dơ̆ 2 tàm nggùl nhai 3 nam do, kờp dŭ lơh sir tàm nhai 6 nam 2027 jat gùng dà broă lơh bơh Ƀộ Chính trị dê. 3 nơm hìu bơsram ơm sa bĭc tơn tàm hìu bơsram ală kấp geh sơnđờm mut lơh ngai 19/3/2026 tàm ală sàh tiah nhàr lơgar Dăk Wil, Thuận Hạnh mờ Tuy Đức, mờ kờp jơh khà priă bơcri mờr 678 tơmàn đong.

Tơl nơm hìu bơsram geh bơcri lơh mờr 226 tơmàn đong, lơh ơnàng 30 ơdŭ bơsram bơh ơdŭ 1 tus ơdŭ 9, lơh geh jơnau kờñ bơsram sră, ơm kis ai rlau 1 rơbô nă kơnòm bơsram mờ cau pơgru dê. Bè broă lơh ai mat ù, Anih duh broă Làng bol càr Lâm Đồng neh lơh broă mờ cau tờm bơcri priă, Anih duh broă Làng bol ală sàh mờ ală mpồl lơh broă geh gơrềng. Ală tiah hơ lơh sir broă ai mat ù lài mờ ngai 30/6 tus do nàng gàr niam tŭ tơngai lam lơh rơndăp broă lơh dê.