Jơnau đơs pơn dŭt pơrjum, Thủ tướng đơs nền jơnau kờñ hìu ơm ơpah tŭ do uă ngan, tàm tŭ hìu kờñ geh, tàm hơ̆ uă ngan là hìu ơm ai apah jŏ tơngai mờ priă apah hìu di pal, gam ờ tơl uă ngan.

Gơwèt ală càr ƀòn dờng geh uă tiah lơh sa mờ măi mok, bơta kal ke bè hìu ơm ai cau lơh broă in ngai sơlơ gơguh. Thủ tướng sồr bơtàu tơnguh hìu ơm ai apah pal pơgồp bal mờ broă rơndăp ù tiah lơh sa mờ măi mok, tiah lơh sa, tiah jăt gah gùng lòt mờ ală ƀòn ơm kis; ai loh bă ù, bơta dờng ơnàng ală tiah bơtàu tơnguh. Thủ tướng kung sồr ală bộ, gah lơh broă dà lơgar mhar lơh gơs kơrnoăt boh lam, gam ală càr ƀòn dờng rơcang lơh tàm mùl màl, sền mờ ai geh jơnau bơsram broă lơh mờng chài nàng pơn jăt tai lơh gơs kơrnoăt boh lam, broă lơh bè hìu ơm ai apah in.