Tàm tơngume dơ̆ lòt còp kấp Dà lơgar tus lơgar Kộng hòa Philippines, ngai 01/6, tơnơ̆ tŭ tus bal Dơ̆ wă rò kấp dà lơgar tàm Gơlang Malacanang, càr lơgar Manila, Chủ tịch lơgar ồng Tô Lâm lơh dơ̆ tìp mat cribơyai mờ Kwang atbồ lơgar Philippines ồng Ferdinand Romualdez Marcos Jr. 

Tàm dơ̆ tìp mat cribơyai, 2 nă kwang đơng lam bồ ring bal ai tơlik Jơnau yal bơr bal tơnguh gơnoar broă bơta gĭt gơ̆p Việt Nam mờ Philippines gơguh tus Tam klăc lơh broă bal kwơ màng sơlơ tơnguh tai, pờ geh rài bơtàu tơnguh pa ai lơh broă bal đah 2 gah in. Mờ broă tơnguh gơnoar broă tàm tơngume bơta gĭt gơ̆p gơguh tus Tam klăc lơh broă bal Kwơ màng Sơlơ tơnguh tai, 2 gah ring bal pơgồp bal bơt bơtàu Broă lơh lơh broă lam lơh tàm tơngume bơta gĭt gơ̆p pa tàm tơngai pa. Bè ală broă tàm tiah do mờ ală lơgar 2  kwang đơng lam bồ đơs nền pơn jat tai sơlơ tơnguh tai pơgồp bal niam, kờñ bal mờ gơ̆p tàm ală anih cribơyai uă lơgar, ngan là Liên hợp quốc mờ Asean. Bàr nă kwang đơng lam bồ ring bal sơlơ tơnguh tai ală Ƀộ, gah mờ ală tiah 2 lơgar pơgồp bal niam, lam lơh geh cồng nha ală jơnau ring bal neh lơh geh đah Đơng lam bồ 2 lơgar dê, pơgồp bơnah ai bơta gĭt gơ̆p Tam klăc lơh broă bal Kwơ màng Sơlơ tơnguh tai đah Việt Nam mờ Philippines tàm tơngai bơtàu tơnguh pa.