Ồng Tô Lâm - Tổng Bí thư, Chủ tịch lơgar tơn jơh dơ̆ lòt còp 3 lơgar tiah đah jum mat tơngai lik châu Á
Thứ ba, 10:36, 02/06/2026
Cau mblàng: K'Duẩn/VOV
Cau mblàng: K'Duẩn/VOV
VOV.K’Ho- Mho mang òr (01/06), ồng Tô Lâm, Tổng Bí thư, Chủ tịch lơgar bal mờ Pơ ùr mờ Mpồl cau ala mat kâp dờng lơgar Việt Nam rê tus Hà Nội, tơn jơh niam bơnĕ dơ̆ lòt còp ngan ngồn lơgar Thái Lan, còp kâp dà lơgar tus lơgar Singapore, Philippines mờ tus bal, đơs tàm Tìp mat tơm boh bơr Shanggri-La 2026.
Ală lơgar neh lời ai Mpồl in bơta wă rò dồ bă ki ngàm ngan, wil tơl, jơh nùs mờ bơhiàn wă rò ờs mờng tàm kâp dờng ngan rlau jơh.
Dơ̆ lòt lơh broă neh pơgồp bơnah yal pràn ngan jơnau đơs kờñ pơyua bơtàu tơnguh bơh Việt Nam dê, ai tơnggŏ loh làng bồ tơngoh kơlôi sơnơng, gùng dà bơtàu tơnguh dà lơgar tàm tŭ tơngai pa, mờ kung đơs nền ờ tam gơl jơnau lơh nền sền dờng màng bơta git gơp mờ ală lơgar rềp bal mờ ală lơgar lơh broă bal tàm ASEAN. Dơ̆ lòt còp kung pơn jat tai đơs nền gơnoar broă rơcang lài, jơh nùs mờ geh kơnòl bơh Việt Nam dê tàm broă lơh geh tam klac bal ASEAN, sơlơ tơnguh gơnoar broă lơh tờm bơh ASEAN dê, gàr sùm ring lơngai, kơ̆ kơljap, lơh broă bal mờ bơtàu tơnguh tàm tiah do.
Viết bình luận