Lâm Đồng sơnđờm lơh, ai ngui 4 broă lơh bơ̆t bơtàu di tòm 80 nam
Thứ ba, 13:53, 19/08/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho- Tàm 04 rơndăp broă lơh, broă lơh bơ̆t bơtàu càr Lâm Đồng bơyai lơh sơnđờm mŭt lơh, ai ngui chờ hờp wă rò tơngkah kir sơnrai 80 nam Kăc màng Nhai Phàm mờ Sơntờm Dà lơgar ngai 02 nhai 09 geh 3 rơndăp broă lơh tàm kơnhoàl ù tiah Bình Thuận, mờ 1 tàm kơnhoàl ù tiah Lâm Đồng yau.
Mùl màl, ală broă lơh bơ̆t bơtàu sơnđờm lơh, là: Rơndăp broă lơh Tiah hìu ơm mpồl bơtiàn ai cau lơh phan Tiah lơh sa mờ măy mŏk Hàm Kiệm II in, kờp jơh priă bơcri lơh tơngai 1 mờr 440 tơmàn đong; Tiah ntrờn ơm kis pa tàm sàh Hàm Kiệm drơng broă lơh ai măt ù rơndăp broă lơh Gùng rơndeh lòt mhar đah Tô – đah Jum lòt gan ù tiah càr, kờp jơh priă tă lơh 45 tơmàn đong.
Bal mờ sơnđờm lơh 2 rơndăp broă lơh, tàm ngai 19/08 càr Lâm Đồng bơyai lơh ai ngui 02 rơndăp broă lơh: gùng mŭt ƀlàng rơndeh par Phan Thiết tơngai 2, kờp jơh priă bơcri lơh mờr 118 tơmàn đong mờ Rbàng Mỏ Vẹt, kơnhoàl Dà Tẻh yau, khà priă bơcri 60 tơmàn đong.
Viết bình luận