Lâm Đồng sồr tơnguh mhar tơngai lam lơh gùng rơndeh lòt mhar Bảo Lộc – Liang Khàng
Thứ năm, 08:34, 29/01/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho – Anih duh broă Làng bol càr Lâm Đồng pa geh jơnau yal sồr ală sờh, gah broă lơh mờ lơh bal cau bơcri priă mhar tơnguh mhar tơngai hơ pơrgon lam lơh rơndap broă lơh gùng rơndeh lòt mhar Bảo Lộc – Liang Khàng tài broă rơcang bơcri priă lơh lơyài pơndrờm mờ broă rơndap lơh.
Jat jơnau đơs, bơh nhai 6 nam 2025 tus tŭ do, cau bơcri priă mìng rơp lơh geh mờr 20% khà broă jòi rờ ƀồm mền, phan bơrtoh mờ phan bơna măi mok, sră nggal bơceh lơh măi mok, bơceh lơh sră wac rùp mùl màl lam lơh rơndap broă ờ hềt lơh sir jat jơnau sồr; mpồl lơh broă sră pơ àr gơnoar atbồ, kwang bàng lơyài pồ tơl, ờ geh bơta rơcang lài pơgồp bal mờ ƀòn lơgar. Anih duh broă Làng bol càr sồr lơh bal ală cau bơcri priă gờñ lơh sir mpồl lơh broă, rơndap lơh cơldŭ lơh broă đơng lam rơndap broă lơh tàm tiah Dà Làc mờ ală cơldŭ lơh broă tàm tiah lơh rơndap broă, bơt bơtàu broă rơndap lơh, tơngai hơ pơrgon mùl màl, git loh kơnòl broă tờm tàm nhai 1 nam 2026, mờ kung pơgồp bal mờ ală tiah kờp sền, ai lài jàu ù drơng lam lơh rơndap broă lơh in.
Viết bình luận