Lam bồ là Phó Củ tịc Duh broă sùm Anih duh broă Làng bol càr ồng Lê Trọng Yên. Sờh Lơh sa mờ măi mok mờ Kă bro phan là anih lơh broă duh broă sùm, kong kơnòl tă pơgồp jơnau đơs, đơng lam pơgồp bal. Kơnòl broă tờm là lam lơh ală rơndăp broă lơh gơwèt rơndăp ù tiah Ồs đèng, mơkung dan mờ Dà lơgar tă bơsong ală “bơta gơ kòl” bè ù tiah, phan kwơ tàm ù, sră pơ àr bơcri priă, bơt bơtàu.

Tŭ do càr geh 14 rơndăp broă lơh năng lượng lơh gơlik wơl tàm tiah đah mat tơngai lik gơwèt mpồl bơsong jat Jơnau lơh nền tàm pơrjum sồ 233 bơh Cíñ phủ dê, geh 6 rơndăp broă lơh  đèng càl mờ 8 rơndăp broă đèng mat tơngai; tàm hơ̆ 12 rơndăp broă lơh là neh mut ngui mơya ờ hềt geh tơm priă. Jơnau tờm uă ngan là tài bơh tàm rơndăp rơndồl rơndăp ù tiah titan, gơ kòl ù brê, sră pơ àr dat boh lam. Broă tơnggơs Mpồl Sồr lơh geh kơ̆p gơn sơlơ tơnguh tai pơgồp bal ală gah, gàr niam gơnoar kwơ cau bơcri priă, pơgồp bơnah gàr kơ̆ lơngăp lơngai năng lượng mờ sơlơ tơnguh tai bơtàu tơnguh lơh sa- mpồl bơtiàn.