Tàm Pơrjum, Thủ tướng ồng Phạm Minh Chính đơs loh: lơh jăt kơnòl bơtàu tơnguh lơh sa mpồl bơtiàn nam 2025 mờ tàm tơngai bơh nam 2021 tus 2025 tàm bơta gùt dunia tam gơl mhar, kal ke, uă bơta ờ hềt geh lài, sơrlèt mờ jơnau yal lài. Tàm lơgar, broă lơh sa gam tàm bơta tam gơl, pal ai uă ngan bơta pràn, tơngai rơndăp tăp sèng wơl “dà lơgar” tàm jơh Dà lơgar mờ ală càr, ƀòn dờng; rềs àr bơh trồ tiah, mìu càl dờng dà tih dà cò lơh gơtìp hoàc huơr uă tus mờ lơh sa kă bro bal mờ rài kis Làng bol. Bŭ lah bè hơ̆, ală cồng nha kwơ màng neh lơh geh pơnrơ ngan tàm jơh ală gah broă.

Nam 2025 lơgar Việt Nam lơh geh khà gơguh lơh sa 8,02%, gơwèt mpồl ală lơgar gơguh lơh sa uă tàm tiah do mờ tàm dunia dê, mờ gàr kơl jăp lơh sa dờng, sền gròi khà priă phan kă bro gơguh kas; rài kis broă lơh broă sa mpồl bơtiàn, rài kis làng bol geh gàr niam; sền gàr dà lơgar, lơngăp lơngai geh gơguh, tơnguh; broă lơh mờ lơgar ndai, tơrgùm bal mờ ală lơgar geh lơh pràn; bơngă pin dờn, bơngă dà lơgar pơn jăt tai geh gơguh. Lơh gơs jơnau kờñ tơn lơh hìu sèt, hìu ồm ñhăt dà mìu. Lơh dơ̆ lĕ 100 hìu bơsram bàr kấp bơh kấp 1 tus kấp 2 tàm ală sàh tiah nhàr lơgar. Jăt Liên hợp quốk đơs, khà gơboh gơbài lơgar Việt Nam tàm nam 2025 ơm dơ̆ 46 lơgar, gơguh 37 dơ̆ pơn drờm mờ nam 2020. Lơh jăt pràn, geh cồng nha broă rơndăp tăp sèng, tơrgùm di pal mpồl lơh broă bơh Cíñ phủ dê bal mờ broă bơyai lơh gơnoar atbồ 2 kấp pơgồp bal mờ lơh pràn broă tam pà kấp, tam pà gơnoar. Pơrjum ai geh 10 mpồl kơnòl broă, gùng dà broă lơh tờm mìng bơtàu tơnguh lơh sa mpồl bơtiàn nam 2026 mờ ală nam pơn jăt tai, pơn jăt tai tam gơl pa bồ tơngoh nàng lơh pràn, lơh geh cồng nha Jơnau lơh nền tàm Pơrjum dờng dơ̆ 14 Đảng dê, ală broă lơh lơh broă bơh Cíñ phủ dê.