Ală sèng ơdŭ bơsram mờ tiah lơh broă sră pơ àr bơh Hìu bơsram ơm sa bic tơn kâp 1 mờ kâp 2 Ia Puch neh geh lơh sir lài. Bơh ngai 26/8, 40 nă đoàn viên ơruh pơnu sàh Ia Puch neh tus hìu bơsram nàng dong kờl rơndap kơ ƀàng, cơ gĕ tàm ală ơdŭ bơsram. Ală phan bơna, măi mok bơto bơtê tàm ơdŭ bơsram kung gam geh crap sir jơh.

Hìu bơsram ơm sa bic tơn bàr kâp tàm sàh Ia Puch geh tŭ tơngai mut lơh mhar ngan rlau jơh tàm 7 hìu bơsram gam lơh tàm càr Gia Lai. Kờp dŭ, ngai 30/8 do, jơh ƀlàng hìu bơsram ơm sa bic tơn tiah nhàr lơgar Ia Puch rơp geh pơs wàs jơh, jàu wơl broă lơh nàng hìu bơsram in bơyai lơh dơ̆ sơn đờm mut nam bơsram pa.