Tàm 8 nhai nam do, Việt Nam wă mờr 16 tơlak dơ̆ năc ală lơgar, 113 tơlak dơ̆ năc tàm lơgar; kờp jơh priă lơh geh bơh năc lòt nhơl dê lơh geh rlau 780 rơbô tơmàn đong. Jơh gùt lơgar tŭ do geh rlau 4 rơbô 600 mpồl lơh sa kă bro geh pà gơnoar lơh sa kă bro drơng năc ală lơgar, rlau 44 rơbô hìu ơm kis ing lòt nhơl, 538 tiah lòt nhơl.

Tàm dar pơrjum, ală cau ala mat đơs là phan bơna lòt nhơl mờ tàm tơrbŏ bal gam là bơta gơ kòl; phan bơna lòt nhơl tàm uă tiah ờ hềt tam gơl pràn, gam cèng bơta kàl tam phan, broă lơh dềt; cau lơh broă jak gam ờ tơl. Đơs pơndŭt pơrjum, mò Phạm Thị Thanh Trà, Phó Thủ tướng sồr lơh sir Broă lơh jŏ jòng bơtàu tơnguh lòt nhơl Việt Nam tus nam 2035, sền sơnơng tus nam 2045 lài mờ ngai 15/12; bơt bơtàu broă lơh bơto bơtê cau lơh broă jak, lơh pràn tam gơl sồ mờ ngui APEC nàng lơh pràn gơ hòi gơ jà, yal tơngĭt uă lòt nhơl Việt Nam.