Tơngai lơh broă bơh nam 2021 tus nam 2026, Mpồl duh broă Làng bol càr Dăk Lăk lơh broă tàm tŭ tơngai rơndap tap sèng, tơmut bal mpồl lơh broă sră pơ àr gơnoar atbồ kâp càr, mờ uă jơnau sồr pa bè rơndap mpồl kwang bàng lơh broă sră pơ àr gơnoar atbồ mờ broă lơh. Tàm tơngai lơh broă, neh ai lơh jat mờr 1 rbô jơnau lơh nền tàm pơrjum tàm ală gah.

Bơta niam jơnau lơh nền tàm pơrjum ngai sơlơ geh tơnguh, lơh jat bơta ngan ngồn, di tŭ cih gơs adat boh lam ală jơnau lơh nền bơh Dà lơgar mờ Tỉñ ủy càr dê, lơh gơlik tơngume adat boh lam, chồl tơnguh bơtàu tơnguh lơh sa – mpồl bơtiàn, gàr niam lơngăp lơngai dà lơgar. Tàm pơrjum, ồng Lương Nguyễn Minh Triết, Ƀí thư Tỉñ ủy càr Dăk Lăk cih dờp mờ jờng rơ ală cồng nha kuơmàng mờ Mpồl duh broă Làng bol càr neh lơh geh tàm tơngai lơh broă lài. Mờ kung sồr Mpồl duh broă Làng bol pơn jat tai tam gơl pa, tơnguh bơta niam, cồng nha lơh broă, ngui niam gơnoar broă anih lơh broă làng bol pồ, lơh jat jơnau sồr bơtàu tơnguh bơh càr dê tàm tŭ tơngai pa.